مسلسل: أشغال شقة

كوميديا خفيفه راقيه

لكن النهايه ينفصها كتير من الحرفيه والمنطق

المسلسل إجمالاً بيقدم كوميديا هادية بدون زعيق ولا حزق و فى الأغلب فى إطار درامي منطقي طبيعي، أداء هشام ماجد أداء هادي، غير متعمد الإضحاك، يعني مش متعمد انه يضحك هو بيمثل عادي و انت هتضحك من التمثيل العادي، عكس كتير من الكوميديانات اللي بيتعمد و بيبذل مجهود علشان يضحك و ده سعات بيكون فى إفتعال و بيقلل من الأداء.

المفاجأة فى المسلسل هي أسماء جلال، الحقيقة اتفاجأت من قدرتها على أداء الكوميدي ماكنتش متخيل انها هتعرف تأدي كوميدي بسلاسة كده كنت متخيل انها تراجيدي اكتر، بس الحقيقة أجادت جدا جدا و أعتقد ان الدور ده هيكون بداية لفرص كتير بشخصبات أكتر لأسماء.

فريق العمل كله اجاد الحقيقه، ادائهم جميعا كان ممتاز و تنويعات الأدوار ممتازه جدا. مسلسل حلو.